صرخة رحمة
بقلم . نجلاء علي حنفي
الرحمة فرت مننا
طعم الأمومة بينتهي
والقلوب تشبه حجر
الأم هيكل او صنم
لا قلب بيحس بدفا
ولا نبض يخشع للبكا
ويقول ضنا
اه يادمعي اللي اتحرق
وهي شايفة ايدين قلق
بترمي نطفة ا تخلقت
من بين عدم
اه يا كلمة أم ضايعة
بين حنايا من الألم
ملفوف بجسمك
من سواد قلب اتهزم
ايه ذنب روح
جاية دنيا من حشا ظلم وعجاف
وحيرة مرة ونقطة
من دم الزعاف
ياصبري ع اللي بيوجعك
يوم القيامة يقولوا ام
انا آسف ياللي كنت باسم امي
مات ضميرك .. ولا قلبك قال مش ابنك
ولا حتي حتة منك
كنت أنام علي انيتك
حضن صوت بيضمني
ليه ياامي عملت ايه
لجل مية نيلي تبقي
أحن منك
تلتقيني بحضن حاني
كنت باحسب هز قلبك
ابكي ولا تبكي انتى
عيشي ياللا وأنسى همسي
عيشي ياللا . خسرت ونسي
عيشي ياللا بقلب فاضي
ناقصه قلب..
وناقصه حسي
ليست هناك تعليقات:
إرسال تعليق