"مش هلومك"...............الشاعر عبدالحميد المرسي

مش هلومك ..

مش هعاتبك ..

ع اللى راح من عمرى ..

واللى قاسيته فى زمانك

أيوه مش هعاتبك ..

وﻻ حتى احاسبك ..

دا العتاب والحساب ياحبيبى ..

مش عشانك

انت خطيت من زمن ..

كل حدود الموده

انت بتدفعنى تمن ..

القساوه والمعانده

انت .. أيوه انت

اللى خليت المر ..

حل مكان حنانك

واللى رسمت الفرح شوك ..

وقتلت زهور بستانك

مش هلومك ..

مش هعاتبك ..

دا العتاب والحساب ياحبيبى ..

مش عشانك

مش عشانك

..

عبدالحميد المرسى