(( كيد العُزْال ))
إنهض بسرعه وحضر سي في
وكام شهاده وسابقة أعمال
دكتور مهندس أستاذ قانون
وخبرة سنين في إدارة الأعمال
وجهز حالك لبراشوت يشيلك
ويهبط بصفقه ثمينه وحلال
وفتح عيونك سيادة المدير
ياعمله نادره ومالكش مثال
إنت الرئيس لمجلس الإدارة
إنت البروف والباقي عيال
إنت الحاكم الناهي بأمره
إنت المُجازف في بحر المحال
إنت ال شوفت المركب بتغرق
خلعت هدومك ونويت النضال
ومٰشُفتش غيرك نهائي مُناسب
حتى وانت بعيد عن المجال
وكام حد يتعدوا على الصوابع
رجاله بجد والباقي ف ضلال
ف حق وباطل تلقاهم ف ضهرك
يحاربوا يصدوا سهام الفِلال
شاور بصابعك يمين يجولك
وارجع تاني وهاتهم شمال
دولا كلاب حراسة معاليك
ف الطبل والرقص عال العال
تسبح بحمدك تملي ويوماتي
تقدس سعادتك وتتمنى الوصال
مبارك عليك الكرسي ياباشا
ومن الساعادي كيد العُزْال
عبدالحميد المرسى
ليست هناك تعليقات:
إرسال تعليق