شعرك ياغزال .. / رضا الحسيني
شعرك ياغزال
عامل. زلزال
بيهز ف روحي
وقلبي الطبَّال
طاير على وشي
بيقول موال
خايف أهواه
وأتعب وياه
معرفش أنساه
ويطول الحال
ويا الزلزال
$&$&
شعرك ده إزاي
ماشي وياي
يمسك ف الرايح
ويشد الجاي
زي اللي بيرقص
على صوت الناي
شعرك سواح
عطره فواح
خليه يرتاح
ويقولي إزاي
عامل زلزال
شعرك ياغزال
&$&$
شعرك ولاهَمُّه
ليه مش بتلمُّه
قلبي مش قده
يبعد من يمه
مطرح مانروح
بيجينا نشمه
شعرك ده خطير
أسود وحرير
وعليه تأثير
يفتن مايهمه
وأناحالي حال
شعرك ياغزال
عامل زلزال
@رضا الحسيني#
ليست هناك تعليقات:
إرسال تعليق