بحر الأماني
بقلمي محمد عنانى
بقلمي محمد عنانى
قوللي يا بحر الأماني
فيه علاج عندك عشاني
ألف حاجه محيراني
شقلبت روحي وكياني
الفرح ليه يدوم ثواني
والهموم دي مدوباني
والحياه ملهاش معالم أو معاني
حتى قلبي الحزن ساكن فيه وباني
والآلام ع اللي فارقني معذباني
والدموع فى نهار وليلي مغلباني
أعمل إيه إحترت فيها وقولت يااني
ما تقوللي يا بحر الأماني
فيه علاج عندك عشاني
نفسي فى شوية أماني
بيها بيعود لي أماني
والأمل يرجع لي تاني
والفرح بيدق بابي عاد وجاني
وأحس إني باعيش زماني
واللي جاي أحلا ولسه مافات أواني
ليست هناك تعليقات:
إرسال تعليق