شوك الورد (227 )
.......................
شوفتوووووش ..
رجااااااله مزيفه
ناقصها درس
و100 علام
لسانها بينقط عسل
وأيد بتطول عالمدام
وهات يا ردح عالفاضي
عامل قاضي
وخبير كلام
يوماتي ينشر فى الغسيل عالملأ
ويتباهى بطوله اللسان
والشارع كله بيتابع
كل يوم دي
الحلقه كااااام
سبع البرمبه
يا ترا .. يا ترا
في جيبه كااااام ..
فنطاس قباحه إندلق
غرقنا فيه حما العيال
لا همه زوجته سانديته
وقفت معاه بقى
له مقام
عالمره والحلوه
سوا شاليته
شوووف تسوى كام
دي بنت ناس يا جدع
حرام عليك
حلي الكلام
و ياريت تصلح الغلط
تعتذر ندمك يبان
مجروحه بشوك حضرتك
صابره عليك فيها الأمان
ويارب يهدي حضرتك
وأبليسك يا ملاك ينام
بقلم .. صبري رسلان
ليست هناك تعليقات:
إرسال تعليق