ماما
======
آه من ظلمك ياإنسان
لما بتقتل فيك إنسان
دا من لحمك دا من دمك
والله ماعملها الحيوان
لو يتشق القلب تلاقى
غل وجمر من البركان
ماما ياماما بلاش ترميني
نفسي ف حضنك نفسي حنان
نفسي أقول ماما تضميني
ماانتي الجنه وبر أمان
ولكيجي ون مين هيوديني
مين هيحفظني القرآن
بكره أنا جاي ليك في منامك
نفسي أبوسك زي زمان
جاي لك م البرد تدفيني
وتخبيني من الغربان
ماما أنا خايف والله عليك
خايف من غدر الأحزان
لوعلى قلبي قلبي مسامحك
طالب من ربي الغفران
ماما انا جوه القبر وخايف
خايف م الضلمه وقلقان
نفسي اجيلك وأسليكي
وأجيب لك دبدوب وحصان
نفسي أكفكف والله دموعك
نفس أطير بيكي لجنان
واطلب من ربي إنه يسامحك
وتضميني لحضن زمان
ماما ياماما سببيني أقولها
نفسي أعيدها كمان وكمان
========
بقلمى سامح توكل أبوالسبح
ليست هناك تعليقات:
إرسال تعليق