الكلام ..... أغنيه / رضا الحسيني
الكلام فيه محبة وفيه سلام
والكلام منه قسوه والخصام
والقلوب كتير تميل
لماتسمع كلام جميل
وأما اقولك ياحبيبي
أبقى قلت أحلى الكلام
&&&&&
الكلام منك حبيبي دايما بيسعد
من قساوة الدنيا ياخد قلبي يبعد
كلمتين عشت بيهم معاك سنين
أحلى دنيا عشت فيها بكلمتين
بالكلام قلبي دايب وقلبك بيوعد
وأما اقولك ياحبيبي
أبقى قلت أحلى الكلام
88888
احضنوا الأيام ودوبو بالكلام
عيشوا بكره واحلموا بكلمة غرام
كل قسوة بتصحِّي جوة القلب جرح
والسكات بيجيب سكات وينهي فرح
القلوب بكلمه تصحى وكلمه تنام
لما أقولك ياحبيبي
أبقى قلت أحلى الكلام
88888
ليست هناك تعليقات:
إرسال تعليق