الناس طول عمرها
بتفرح لما تخلف الولد
الذكر يعني..
علشان يكون سند لها
في كبرها.
لكنه وهم كبير
الأب والأم موهومين فيه
فعبرت عنه
بهذه القصيدة العاميه
..............
١
القواله قالت
.......
ياولد ياولد
يا عطيه يا سند
إن ضربوه العيال
يرحلوا من باب لباب
وان ضرب هوه العيال
كل العيال تلعب
سوه
٢
كبر الولد
كان زي غيره
من العيال كمالة عدد
وكنا فاكرينه السند
اتاري اللي مايل
م البدايه
عاوز سند
ماتفرحيش يامو الولد
٣
الواد بقا خلاص كبر وصبح عريس ح يتجوزوه
بعد الجواز
يلعن أبو أمه وأبوه
واللي جابوه
دي كانت جوازه
مهببه
وعامللي راجل صوته
أخشن م الخشب
واهو يدوب كمالة عدد
عيل وبرياله وكبر
خلف بنات
خلف ولد
ماتفرحيش يامو الولد
...........
القواله
ماتفرحيش يامو العريس
جات العروسه تاخده
شفط شقاكي وجريتك
ماقلش( لامه ولا اخته)
خد الشقا
وطار في الهوى
الواد كبر
لما الشقا
طاب
واستوي
ونكر اللي كان
وماعدش ابوه اللي
شقى
والا اللي ربت
تنكرم
دا كان زمان
وخلص بقى
مايشرفوش المستوى
٤
إللي سبق كل النبق
واللي تعب
ماعدش لاقي من
الحصاد
ولاحد
حيجيب له الدوا
ماتفرحيش ياموا
الولد
سيبي الولد لدوخته
وماتحسدوش أم الولد
وماتقولوش
يابختها
ياحزنها
سابها الولد
بقا فص ملح وداب
خلاص
واتبعترت كرامته
ماتزعليش يامو
الولد
لاعلى الولد ولا اخته
....................
محمدمحمدالشاعر
شاعر مصري.
ليست هناك تعليقات:
إرسال تعليق