.. عجيبة ..
................
حاجات بتحصل عجيبة
وسياسات.. وأمور غريبة
على الغلابة ... الشقيانين
فارضين عليهم ١٠٠ ضريبة
إفرض ضريبة والسلام
المعنى هو ... الإنتقام
أو بالأصح ..... إحكام
على الشعب ... الزمام
إن كان كلام أو كان دوا
أو حتى معنى المحتوى
أو حتى على ... اتنين
طالت عشرتهم .. سوا
إفرض ضريبة للسكات
راضيين بذل .. الممات
بعد ماضاعت كُل الآمال
وعايشين زمن الشتات
إفرض ضريبة ع اللي
عاش .. ساتر عروبته
إن شالله ...... حتى
بمترين ... قماش
إفرض كمان على
اللي راح حقه ومجاش
إفرض ضريبة على اللي
راح وكل حق مستباح
زرعتوا فينا ألف حقد
ونسينا مبدأ ... السماح
إفرض كمان ومتختتيشيش
علشان أسيادنا ..... تعيش
لازم يموت كل ..... العبيد
ويبقوا ف لحظة هوا وريش
إفرض كمان على كل حي
وكل جدع ملوهش زي
يارب هون اللي ... راح
وهَون كمان اللي جاي
إفرض ضريبة .. كل
مطالبك مبقتش أبداً
لينا عجيبة... ولا حتى
حاسينها .. غريبة
إفرض ضريبة... !!
.....
بقلمي
م. حمدي توفيق
ليست هناك تعليقات:
إرسال تعليق