يا جميل يا متغندر
________________
و لا بتيجي فى بالى
و لا حبيتك عمرى
و لا فيك بفكر
كل كلامي لغيرك
أنسي أنى أنا أحبك
يا عسل و يا سكر
أنا من العسل الممنوع
و لو هاموت من الجوع
اتقل كمان أكتر
من كتر ما اتكلمت
تعب الكلام مني
و مش عارف أتغير
حبك لحس عقلي
و مشكلتي في سكوتك
والقلب متكدر
حابك بستين قلب
يابنت نبض الحب
يا ام الجبين عنبر
سايقة الدلع و التقل
و الكلمة حتي ببخل
دا كان غيرك أشطر
مش فاهمه معني الحب
الفرصة لو جاتلك
مستحيل هتتكرر
بطلت أناجي البدر
و أحكي الجفا للطير
ولا مع النجوم هاسهر
هاعيش حياتي خلاص
و اروح كمان الجيم
و يجوز كمان اسكر
لحد ما تحني
و تقربي مني
يا جميل يا متغندر
حقك يا ست الناس
بس اتخنقت خلاص
و كان لازم أعبر
في نهاية القصة
حبك أكيد فرحي
و أكيد أنا مقدر
أحمد الأبيض
ليست هناك تعليقات:
إرسال تعليق