((راحت حبيبتي))
روحت أجري على المحطة
روحت أجري على المحطة
لاجل أمنع حبيبتي
لمحت معاها شنطة
سيباها وماسكة صورتي
باصة ليها والشوق مليها
ودموع عينيها نازلة تجري
وتقول ليه بس يحصل
وتلوم في روحها
زي ميكون دابحها
وبحرقة تبكي
من غير ما افكر
ساعتها أكتر
حسيت بخبتي..
بدموعها تلومني وفيّا تشكي
ده انت روحي ونور عيوني
وازاي تصدق اللي يجيب في سيرتي
أمتى بس الناس بتسكت..
طول عمرها على بعض تحكي
يحكوا عني ويظلموني
وانت فين م ترد غيبتي
بعلو صوتي ناديت عليها
شاورتلي هي ومدت ايديها
بسرعة شوية تعالى اجري
بس ساعتها القطر صفّر
راح لبعيد وسابني افكّر
هشوفها تاني ولا مش هقدر
وازاي يا قلبي تسلم وتخسر
ياميت خسارة راحت حبيبتي
وازاي مشيتي وازاي ركبتي
رد قلبي أه يا غلبي
يا طول عذابي في ليلي وحيرتي
بس كانت غلطة مني
أكدّب ليه حسن ظني
وليه أسلم لغيرتي
أحمد الغرباوي
ليست هناك تعليقات:
إرسال تعليق