((آسف حبيبي))
آسف حبيبي..
ومش هقدر
أنساك عمري.. ولا اتغير
وأطاوعك ليه.. وليه أكسر
حلم لسّه يا دوب أخضر
عايش العمر مستنظر
يعيش في أحلي غرام
آسف حبيبي..
...
..
.
آسف حبيبي..
ومش هقدر
أخون العشرة واتغير
حبيت ولسّه يا دوب هسهر
أدوق الحبّ واتصور
وارسم لقلبي الأحلام
آسف حبيبي..
...
..
.
آسف حبيبي..
ومش هقدر
أكسر قلبي واتهور
وفي حزني أصحى وأنام
وأقول ده.. وعد متسطّر
وأعيش أشكي من الأيّام
آسف حبيبي..
...
..
.
آسف حبيبي..
ومش هقدر
وليه أحتار وأتحيّر
وأنا قلبي كلّه شوق غرام
إبعد إنت لو تقدر
على نار البعد والأوهام
آسف حبيبي..
...
..
.
آسف حبيبي..
ومش هقدر
أعاند روحي بالأوهام
في البعد ليه بتفكّر
وتهدّ الحلم وتكسر
وازاي حبيبي تتصوّر
ما اكونش لك فى يوم من الأيام
آسف حبيبي..
مش هقدر
...
..
.
أحمد الغرباوي
ليست هناك تعليقات:
إرسال تعليق