((عينيك قالت))
لسه بتدوَّر على أيه
لسه بتدوَّر على أيه
وعينيك قالت كل الكلام
لسه بتفكر وساكت ليه
ولمين ترمي إتهام
بكلمة تجرح مسامعي
وتصحي فيَّا مواجعي
حرام عليك حرام
لا الطبع طبعي
ولا كان من هوايتي
حوارات الشوق والغرام
ظلمت قلبي ظلمتني
وبكل قسوة جرحتني
بعيونك اتهمتني
بشيئ ولا فى المنام
مش معنى انك شوفتني
تدوب فيَّا تحبني
تبقى خلاص ملكتني
وليه تاخدك الأوهام
مش ذنبي انك عشقتني
لو كنت بجد عرفتني
ما كنتش مرة ظلمتني
وحفظت مكانك فى المقام
شوفتك مرة أو مرتين
وعينيك قالت كلمتين
رفضهم قلبي والسلام
أحمد الغرباوي
ليست هناك تعليقات:
إرسال تعليق