" نحكي القصّة " كلمات الشاعر المبدع شكري بن نعمان

نحكي القصّة 

حبيت اطّمن...

و أحكي القصة..

من الاول. ، باين عليها.. 

ورحمة بابا 

ماني مفلّت الفرصة ،

جاوبت دمعات العين..

والصوت صابتو البحة

نحكي بلسان حنين ..

ولاّ نحكي .. بصبرى وبلا غصة.

..تلفتت ..ولا على بالها..

تمايلت ،،

ضحكت ..

شفت الطريق ،،

ما هي سايلة..

ناديت ،،ها طفلة ..

غير أرزني..

اليوم ربيع منوّر زاهي ..

غدوة ،،،والعالم ربي ..

رياح الخريف عاتية ،،

والبحر بموجا ،يتلاطخ.. 

ردّي ..جوابي...يهديك ..

وبلاش الفضائح.

..يا والله أحوال ..

نايا جايب ما عندي ..

نحكي بجدّي.. 

وهي ..

زاهية ..تغني في موّال..

ولا على بالها ..

حاسس بروحي ضايع ..

ولا نقدر نرجع للدوّار ..

باهي هكة ؟..

حكيت عليك بفيانة...

للندادي..

وصاحبي ،،

وصفت قدّك ،،

ماني قلت هاكي المزيانة..

عرفوكي. ومن بكري ..

قالو عليك دعوة ،،

ولا عندك صاحب،،

بشهادة فلان وفلانة،،

..نايا الغرض شريف نظيف ،،

غير انت،،

عقلك صغير ..

..ومن غير ما تتبكي ..

جايبة،،حكايات ،،

ولا في المسلسلات..

وتتخيلي روحك .. سندرلا،،

وإلا جوليات.. 

...فيقي عزيزة قلبي،،، 

العمر فات..

والزهر ما عاد ..

جناين عاتبة..

نوارها في سبات ،، 

وحلمها معلّق ..

والي فات ،،

عمرو ما ينعاد ..

شكري بن نعمان.
 3أكتوبر 2020