راس الجفا (شروقي)
قديش هب النسيم وأشواقي معو
وأوراق الهوى للصوت عمتسمعو
قديش حملت الهوا أصوات الحبيب
وصورة قلب ظمأن ماعادت تقشعو
ياريت شمس الحب مابتغيب
ولا بدر الندى غادر موضعو
شراب العسل من دونك مايطيب
كل الجوارح يندهو بلكي ترجعو
بلكي يكون بالعمر قسمه ونصيب
ونشوف الورد في أول مطلعو
فناجين البن سالت عالدروب
ماعاد في نفس للبن تجرعو
وقديش بعثت للأشواق مكتوب
شعر قلبي ودمع عيني رصعو
وقلت للقلب عن حبها توب
بلكي ثياب السعاده بيتوسعو
وصار الهوى في شمالي والجنوب
مثل أثواب ماعاد يترقعو
ياريتنا نعيش بعشق الندى والطيب
ونقطع راس الجفا مع إصبعو
(بقلمي: حمد سلامة عرنوس ، شهبا، ٢٠٢٣/٤/٢١)
ليست هناك تعليقات:
إرسال تعليق