((قصة عصفور))
كان ياما كان
كان ياما كان في الدنيا زمان
عصفور بيطير وله جناحين
راسم حلمه بحب كبير
ماشي طريقه ما يهمه ملام
مصالح نفسه هازم يأسه
عمران قلبه تمام بالخير
لا يهمه سلطان ولا جاه
حر طليق بيغني والدنيا كمان سمعاه
مخاصم كل الأوهام
ماشي في حاله وكله تمام
حابب الدنيا ووليفته على الحب معاه
ماليين الدنيا حنان فى حنان
اختارت تعيش في أمان ويّاه
على الشجرة العش.. معاها بناه
في سعادة عايشين الاتنين
مادقوش طعم الأحزان
يا جمالهم يااااه.. حلاوتهم يااااه..
فاكرين الدنيا أمان في أمان
والأحلام عايشينها صحيح
وبحب يغنوا الألحان تفاريح
ناسيين غدر الإنسان بصحيح
وفي يوم عصفهم ريح
ببارود حرق الأوطان
باع الحظ ساعتها وخان
مالت الشجرة بالأحلام
وحياته انهارت آه يا حرام
حب يقاوح لقى نفسه جريح
طارت الشجرة ماتت التفاريح
وقع العش كسرله جناح
مات الحب على الأرض وراح
واهو من يومها عاجز وطريح
فوق كومة من الألغام
ضحكوا عليه وقالوا... سلام
أصل العصفور كان إنسان
والدنيا عليه والأيام
حِلف الشيطان.. ضد الإسلام
كان ياما كان
أحمد الغرباوي
ليست هناك تعليقات:
إرسال تعليق