الكلمة
...........
كل ما امشي
جوه قلب الناس
بكلمه
بلقى عتمه
والوشوش ردت
صداها
كل ما اطلع من
متاهه
ارجع متاهه
قلبي مش
حاسس بنوره
من عيون
الخوف
عماها
والظلام لف
ف مداها
كل مره نقول
ياكلمه
كوني نور
تفحت قبور
والضباب
بيعمي عين
الشمس
ويضلم سماها
كل كلمه
على اللسان
فيها حرف غايب
حرف عايب
ينطقه الولد
الصغير
واللي شايب
تنفجر من قلبه
ولعه
نارها والعه
والسما
تحدف شرار
نور..ونار
ييجي فجر يشق
عتمتها
بظهوره
والكلام زي الكلام
واقف طابور
طويل
عريض
مستني دوره
تييجي
كلمه تروح لكلمه
ييجي
معنى يغير
المضمون
ويقلعه من جذوره
(رنان ياصوت
الحنجوريه
قول كمان )
وعلي صوتك
بالهتاف
بكلام ..أمان
يملا القلوب
الخوف
جبان
بيخلى هادي الروح
بيطلع من شعوره
وهيه كلمه
تخش قلب
الناس أمل
حتى الأماني
والأمل
مقطوع نذوره
الكلمه
لافه في المدار
على أمل
تطلع وتنجى
م الغرق
في بحر حيره
والأمل طالت
شهوره
يمكن ح ييجي
اليوم
على العتمه بنهار
يكسيها نوره
يمكن
تزور الرحمه
قلب اللي ظلم
والحبر يكتب
م القلم
والكلمه تكشف
نفسها
وتعري زوره
.......................
محمد محمد الشاعر.
ليست هناك تعليقات:
إرسال تعليق