حتى الكلام
بقلمي محمد عنانى
بقلمي محمد عنانى
حتى الكلام بقا بحروف
زي القلوب مليانه خوف
من اللي نسمع أو نشوف
واللي علينا كتير يمُر
من المشاكل والظروف
ومن ضماير ع الرفوف
والحق عنه ناس تعوف
وحياه بجد بطعم مُر
ولا عاد حيا ولا كسوف
والحقد ساكن كل جوف
ومن حرام نمت كتوف
واللي منك ليك يضُر
والعينين مابقت تشوف
إلا كدب وزيف وزوف
وزور تصقفله الكفوف
وما بينا كُره حبال تجُر
نفسي نرجع يوم نطوف
حوالين قيمنا ولو قطوف
أساسها دينا فيه وصوف
لكل داء وعلاج يسُر
ليست هناك تعليقات:
إرسال تعليق