حوريه
=====
ياللي سمارك ضي الشمس
جوه عيونك سحر وهمس
إوعي الورد يقرب منك
خايف م الغيره وم اللمس
________
حسنك في الرمش وفي النني
سحر خدودك دا مجنني
آه من قدك ودا مين قدك
زي غزاله بتهرب مني
_______
بحر الشوق دا بيتحداني
خايف أغرق فيه من تاني
مانت الأول وانت الآخر
وأنا قلبي غريب عاش وحداني
_______
حني عليه بشربة ميا
والله نسيت طعم الحنيه
نفسي أدوق الشهد ف كاسك
نفسي ف جنه لأحلى حوريه
======
بقلمى سامح توكل أبوالسبح
ليست هناك تعليقات:
إرسال تعليق