((ايه حصل))
اوعى تسأل يا قلبي
فين راحت الذكريات
خلي اللي رااح.. راااح
راح في حاله
وانفد بجلدك من سكات
حتى الجراح انساها
ومعاها كل الآهات
بيع اللي باعك
طيب وماله
قولي فين راحت آماله
مسيره يبكي علي اللي فات
اوعى تكون يا قلبي خايف
ما انت عارف
أيه حصل
وازاي العمر فات
خلي السؤال للي مش عارف
أى حاجة من الحجات
وبلاش تغني
أو تحكي عني
كفاية تجريح الآهات
خانت العيون ولا الشفايف
ولا القلوب في الساحات
ما انت عارف كمان وشايف
ليه يا قلبي الحب مات
أصله كان في العند سايق
ليه تعد الدقايق
وتتعب روحك بالساعات
خليك في حالك يا قلبي رايق
لسه عايشة الحقايق
خليك يا قلبي فايق
واوعى تنسى الحب مات
أحمد الغرباوي
ليست هناك تعليقات:
إرسال تعليق