( أنا الشقيان )
كلمات: الشاعر الفنان : رزق جادو
مصر .. دمياط
بمناسبة عيد العمال .
( أنا الشقيان )
انا الشقيان يابهيــــــــــــــه
ومحدش ليه حاسس بيـا
انا اللي حقوقي منســــــيه
انا الميت بدون ديـــــــــه
انا المظلوم انا المســـــجون
مكان حد من الواصليـــــن
انا الشماعة اللي بتشــــيل
بلاوي الظلمة والفاسديـن
انا لو نمت مريض مـــــــــرة
انا وأولادي نبات جعانيــــن
انا الحارس حدود ارضـــــــك
انا الصانع نسيج غزلـــــك
انا الزارع غيطان قمحــــــــك
انا الباقي علي خطـــــرك
وانتي عليا مش ســـــــــألة
علشان مش لابسلك البدلة
انا ابنك وابن ابــــــــــــــــنك
انا المفطوم علي حـــــبك
انا الشقيان يابــــــــــــــهيه
ومحدش ليه حاسس بيـا
انا اللي حقوقي منــــــسيه
انا الميت بدون ديـــــــــه
انا العايش حياتي صبور
منايا أعيش وأموت مستور
تمر شهور وراها سنين
واقول يمكن هايجي الدور
أنا المطحون انا المدعوك
زرعت الورد حصدت الشوك
وبكتم صرختي فيا
وارسم بسمة في عينيا
انا اللي شايلك علي كتافي
سنين عمري وانا حافـــي
انا أطهر ولاد ارضـــــــــــــك
خديني في حضنك الدافي
انا الصانع انا الزا رع انا العامل
انا المهني انا الحرفي
انا ابنك وابن ابنـــــــــــــــك
انا المفطوم علي حــــبك
انا استاهل انو ل عطــــفك
انا سندك انا ضهــــــــرك
الشاعر الفنان الفنان : رزق جادو
مصر .. دمياط
مصر .. دمياط
ليست هناك تعليقات:
إرسال تعليق