إحلم
وابعد عن حدود المنطق المعقول
إتمنىٰ نجمه من السما ربك وعَد
إدعيني واخلِص دعوتك تطلب تنول
سلِّم وصدَّق إن مُلك الدنيا زايل
وان مُلك الرب وَحدُه دايم لا يزول
إحسن إليهم ولو شايف مايستاهلوش
إجبُر قلوب الخلق لو صَبَحُم مغول
وأكيد أكيد هتلاقي اللي يخلصلك
وتلاقي اللي يوفِي وتشوف القبول
الحزن شئ لازم وحتماً يلمِسَك
لكن هتفرح بَرضُه وهتسمع طبول
إتقِّي الله في كل كلمه وكل فعل
يفتح قصاد مِنَّك كل شئ مقفول
اطرُق بيبان المستحيل واياك تميل
أو تتخدع وتدُق باب غير باب الأصول
.
عبدالله محمود غباشي
2023/5/2
ليست هناك تعليقات:
إرسال تعليق