جف البارح
=============
لوجه نقي يظهر ف مرايتو
والمصبوغ ضايع بين الناس
وا كيف غدة يوصل لغايتو
عايش اموسوس دايخ الراس
ثيقة شمسها حلة زينة
صادقة وتقرب كل لحباب
من غيرها تلقاها روينة
ياك تجلب لناس شلى عداب
ماء البير ماترجعو حزارة
جف البارح ياداك الوراد
لبكا موراه غير خسارة
لا حبال تجبدو ولى زناد
سقوة من ربي مخفية
كيف لعسل ف الجبح مغطي
كيداوي الجرح رحمة تشفيه
والسترة من رحيم تغطي
=============
بقلم صقر الحروف الزجال
بوسبولة المحجوب
ليست هناك تعليقات:
إرسال تعليق