نص بعنوان {{--حكاوي زمان--}} بقلم الشاعر/ ة / {{{--💜 -- صبري رسلان--💜--}}}

حكاوي زمان (223)

...........................

شوفتووووووووووش

بهانه و سعدها

وجوزها الشاويش

ما كان حيلتهم الاضا

بصله و رغيف

بقدره قادر ..

نجدوا الكنب بريش

فته و محاشي ومصمصه

ولحمه في عيش

فرق ووزع عالبلد وأدعوا لشاويش

وأدعولها يكمل فرحها

دي عيال ما فيش

عبوا البطون عالمسطرة

وقعدوا تفتيش

في اللي جرى

قالوا ده منين

يا ترى

ورث الشاويش

ولا يكونش ده إتغنى

بيبيع حشيش

لاقى لقيه تحت بيته

تكفي جيش

يقعد سنين ما تتصرف

بلا فقر خيش

اللي ما كانش يعبره

تعظيم سلام

وفى لحظه علو مركزه

لكبير مقام

وبدونه ما يحلى السهر ولا الكلام

اصل الحكايه بإختصار

شنطه مدام

شاويش لقاها ووداها

حلاوتها كام

خد نسبه دايمه بالحلال

وكمان وظيفه

راتبها عال

أدي يا ناس كل اللي كان

والندر وفاه بالتمام

فيه اللي صدق والسلام

واللي معقوله

وده كلام

حدوته راح تفضل سنين

عاش اللي عاش جنبها

واللي ما صدق كدبها

فيه ألف قصه زيها

بهانه و شاويش

بقلم .. صبري رسلان