يامسافر
--------
جالك قلب تفوتني تهاجر
وتسيب قلبي يعاني يعافر
طب خد أشواقي في رحالك
والله انا قلبي ف حضنك سافر
وانت مسافر عدي وخدها
أحلامي المطويه دفاتر
خدها الرقه مع الحنيه
مجدوله بأشواقي ضفاير
خد أيامي واحيي غرامي
خليك فاكر قمري الساهر
عد نجوم الليل واضويها
والضمها بأشواقي ستاير
فيها الذكرى بتغزل بكره
ورد زهور والضي بشاير
لو عمرك هتغيبه وتنسى
قلبي مسامحك دايماً فاكر
فاكر لمسة إيدك لما
كانت تعزف قلبي مشاعر
==========
بقلمى سامح توكل أبوالسبح
.jpg)
ليست هناك تعليقات:
إرسال تعليق