تندم على ايه ,,,,,,,,,,,,,,,,,,,,,,,,,,,,,,,,,, الشاعر حسام الدين صبري

 

تندم على ايه
--------------------------
تندم على ايه قول لى ولاإيه
هو الخاين حد بيندم عليه
إندم على كل ليلة راحت منك هدر
وإنت فى عز جراحك بتداوى اللى انكسر
وشايفو دنياوشمس وقمر وهو شايفك
لعبة فى ايديه
تندم على ايه قول لى ولا ايه
وتبكى عاللى مايتبكيش عليه
ويامابانت حقيقته وإحنامصدقناش
صدقناحنانه وغيرته م الوهم مشبعناش
ليلناشوق ونهارنا أمانى
ياخدناجرح معاه للتانى
وكل مادا تروح معانى
ونقول الدنيا معندانا ليه
إندم على كل ليلة راحت منك هدر
وإنت فى عز جراحك بتداوى اللى انكسر
شايفو دنيا وشمس وقمر وهو شايفك
لعبة فى ايديه
تندم على ايه قول لى ولا إيه
وتبكى عاللى مايتبكيش عليه
أدينا خلاص إفترقنا توهنا ومتلقيناش
وهايطول ليل فراقناوالجرح هو اللى عاش
علشان النهار مش لينا
فى الشمس تاهت خطاوينا
لينا بقى ولا علينا
ياقلبى سيبك وانسى لياليه
إندم على كل ليلة راحت منك هدر
وانت فى عز جراحك بتداوى اللى انكسر
شايفو دنياوشمس وقمر وهوشايفك
لعبة فى ايديه
تندم على ايه قول لى ولا ايه
وتبكى عاللى مايتبكيش عليه
------------------
حسام الدين صبرى