"عنبر زرعت اللوح
أشو بس خضر أدنان
مدري ألزرع بيه صوچ
مدري الوكت خان "
ومدري الگاع صبخه
لو هوه الملح هان
مدري الشواطي غلط
لو غلطه الگبطان
لو زيدت حملها السفن
وغرگت السفان
كل سنه اگول أرجع
ومابانت لحد الان
ردت اشوف الدار
مشتاگه حتى للبيبان
وين اللمه والضحكه
ماباقي.. بس حيطان
صحت وينكم يااهلنا
شلون يرد الراح بالتربان
لاعمات لا خالات لاجيران
الگبل جانوا ولا صحبان
وين النيه الطيبه
والطعمه وعشره الخلان
وين الجوري والرازقي
والنارنج التارس الاغصان
ردت اشم ريحه هواهم
تره بگشه يچلب الغرگان
سنطه سكوت لا صوت
ولاچلمه هله ولا عنوان
جلهيمه ماظل گلب
اليحن ماظل بيها انسان
ماكو ذيچ الناس النحبها
وغدت خان جغان
وحشه الدار من بعدهم
لا آن ولا ودان
خلني بغربتي الجنه
بلا ناسها ماتسوه قران
حچايات صرنا مال گبل
وقصص كان ياما كان
ماظل شي ينذكر بس الوطن
"والغربان "وثالثهم الشيطان!
باللهجه الشعبيه العراقيه
نضال احمد
ليست هناك تعليقات:
إرسال تعليق