(( لو بتسأل ))
لو بتسأل عليا بقولك مش بخير
قلبي فيه جرح واجع وأخطر من خطير
هجرني حبيبي .. رمانى ف بحر الزمن
صعبان عليا باعني أيوه بأبخس تمن
وياما كان ف نفسي نحضن حبنا
ونغزل من الفرحه توب يزين عمرنا
نعيش سنين حياتنا شيئ فوق الخيال
ونقول للصعب عدي خلاص نُلنا المنال
وفجأه لقيتني بحلم حلم مهوش لطيف
النهايه كانت دراما والفيلم كان سخيف
لو بتسأل عليا بقولك مش بخير
قلبي فيه جرح واجع وأخطر من خطير
عبدالحميد المرسى
ليست هناك تعليقات:
إرسال تعليق