ختام
بقلمي يحيى حسين
ــــــــــــــــــــ
خلاص أنا خلصت كلامي
بضاعتي ما عليها إقبال
قلوب ما تعرف عشرة
يدوبك من بره القشرة
ولو مرة عاتبت ولومت
حتلاقي قلوبهم كشرة
بتبيعك في لحظة وثانية
وكأنك يا بوزيد ما غزيت
ما هي دنيا ذليلة وفانية
ما تقولش خسارة ياريت
خسارة في يوم عديت
للشط والبر التاني
وفي الاخر أنا أتعريت
ورجعت هنا من تاني
حقفل على نفسي الباب
هس ما عدش كلام
وحنزل هنا السرداب
وأقول للدنيا سلام
يحيى حسين القاهرة
17 يناير 2022
ليست هناك تعليقات:
إرسال تعليق