محاولة مع الشعر العامي
.......
بقيت خايف
بكون شايف ومش شايف
وبنكر إن انا عارف
تقول عن كل شيء حسّه
وبفتح لك طريق تحكي
وشوقك في السكوت دسُّه
وبتمنى تفضفض باللي أنا لامسه
وعدى كتير
وقلبك شايفه دامي كسير
بيضحك والجراح
جواه بقت مسامير
وأنا بحضن عينك تبكي
ومن غير دمع بتصارع
في حزن كبير
ومن جهلي في سري بقول
أنا جايز أكون مخدوع
وبرجع لك بكل ضمير
تعبت معاك
ولسا أساك بيصرخ
ليا من غير صوت
ومن كتر الوجع عندك عايشها سكوت
طب اسمعني
انا اللي لو انت تتألم
بلاقي كلي يوجعني
سكت كتير ومش داري
ان انا اللي بموت
تودعني
وترجع لي
ونفس السطر بنعيده
بشوك عشت أجمع فيك
لكن بلاقيك
بنفس الشوك بتجمعني
طب انهض قوم
كفاية هموم
وصالح قلبك الغالي
وصالح قلبي وكفاية
لا قطر العمر بينا يفوت
بحبك موت
....
صلاح العشماوي
.jpg)
ليست هناك تعليقات:
إرسال تعليق