الاثنين، مارس 27، 2023

مجلة وجدانيات الأدبية (( بنقسى في البعاد دايما )) ......الشاعر صلاح إبراهيم العشماوي



بنقسى ف البعاد دايما
ونرجع بس في الشِّدة
وبتقيس بُعدي بالثانية
و انا اللي بقيسو بالمدة
حنانها كتير
عطاءها كتير
ومهما تعبت م المشاوير
بجيلك بلقى حضنك غير
مهو انتي الخير
وانا عاشقك بكل ضمير
تاخدني الدنيا من نفسي
وفجأة أفوق
أرن عليكي ملهوف لك
وعارف إني هسمع صوتك أروق
ولما تقولي زعلانة ومش ردَّة
بحس الدنيا والله
برغم الصيف بقت بَردة
وبترجي وأقول يا با صالحهالي
ظروفي كتير كانت صعبة
وبتصمم متتكلمشي
أقول طيب خلاص همشي
سلام يا با ولاكني مبقفلشي
ويتهامسو وانا سامع
يعاتبها ابويا ليه.. طب ردي
تقول له لا
أنا بشتاق إليه اكتر وصوتو فيا بيعدي
أنا عيزاه يكون عندي
ومش زعلانة لاكني منيش قادرة
وأنا دمعي بحاول أمسكه يجري
مهو انتي ياما عرفاني
بسيبك بس دا قدري
ولو على قربي بتمنى
أزيدك من سنين عمري
ولا تبكي في يوم عينك
ولا تدبل على خدك في يوم وردة
.....
صلاح العشماوي

ليست هناك تعليقات:

إرسال تعليق

مجلة وجدانيات الأدبية (( الوداع )) بقلم الكاتب دمال الدين خنفري /الجزائر

قصة قصيرة جدا الوداع اقتربت منه انسلت روحها إلى وجدانه، ارتبكت فرائصه، أزالت ستائر حيائه بشفاه معتقة بحمرة التخدير، انساق وراء نزواته، عرته ...