أبويا وصاني
.
وصاني قال يابني الأرض دي أرضك
إزرع أمل وابني دي وصيه من جدك
و اتغطى بعلمها تدَّفا من بردك
من نيلها لون جلدك وهقولك ايه تاني
أبويا وصاني
ايه بس بعد الفوز بشهادة شئ أجمل
شايله الملايكه كنوز ع الشهدا بتبسمِل
والله الشهيد محظوظ مين بعده هيكمِّل
لؤلؤ وماس مرمر ويا جنه وحشاني
أبويا وصاني
يا أرض فين شرقك يحكي لغربك مين
مصر وتاريخها وشعبها وموحِّد القُطرين
درعك ياوطني مَتين وعلى العروبة أمين
يحميها م الخاينين و على العدو جاني
أبويا وصاني
قبل الميلاد عمرِك قبل العصور عصرِك
سبحان جمال قمرك شمس ف صلاة عصرك
أبطالنا خلقوا اليُسر بعد اما طال عُسرك
نسر انتزع نصرك مصر انتي ألحاني
أبويا وصاني
.
عبدالله محمود غباشي
2023/4/1
10 رمضان 1444
ليست هناك تعليقات:
إرسال تعليق