صحي الشوق .. أغنيه/ رضا الحسيني
صحي الشوق ياللي ناسينا
فين مراسيلك إمتى تجينا
آخر مره اشتقت وجيت
من بعديها علينا قسيت
حتى أُصول الحب نسيت
للدرجة دي بتتعب فينا
صحي الشوق يااللي ناسينا
******
هو عشان أشواقنا زياده
ولا غرامنا فوق العاده
تبقى ف هجرك كده تتمادى
لأ وحياتك..ده مايرضينا
صحي الشوق ياللي ناسينا
****
لو أشواقك زي ماهيًه
ُطُل علينا بالحنيًه
مش ف الصالح أي أسيًه
خلي الفرح يهل علينا
صحي الشوق ياللي ناسينا
ليست هناك تعليقات:
إرسال تعليق