نبض القلوب
بقلمي يحيى حسين
ليه بقت القلوب
ذنب من بين الذنوب
ذنب أحب وأعاني
وقلبي في الآخر يدوب
ليه القلوب عليا قاسية
تنام تحب وتصحى ناسية
تنسج حروفها بأحلى كلام
كلام حنين مليان غرام
أطير معاها ويا حلمى
وفي حضن حلمي أتغطي أنام
ولما أفتح عينيا
ألقى نفسي في دنيا تانية
كأني ماحلمت يا عالم
كام دقيقة أو حتى ثانية
وأعيش في دنيا العذاب
ما هو حلمي راح عني وغاب
غاب بعيد فوق السحاب
غاب وفات بس العذاب
وألقى نفسي ويا نفسي
حابس نفسي جوه يأسي
ويأسي بحر موجه عالي
وأنا مابعرف أعوم
وأقاسي من طول الليالي
وأغرق في بحر الهموم
والله أنا نفسي أتوب
وأرمي عني الذنوب
وأعيش لوحدي من غير وريد
وأنسى يا عالم نبض القلوب
يحيى حسين القاهرة
31 يناير 2019
ليست هناك تعليقات:
إرسال تعليق