( وصية أب ) للشاعر / أحمد وهبي
..................................................
بيني وبينك وصية عمر ياابن عمري
.
سايبها لك أمانه لاجل انحنى ظهري
.
شغلك وبيتك كوم أوصيك تراعيهم
.
وطالب أمانته منك ياتطير له ياتجري
..........
ولاتإذي يوم جارك وتقول دا كان وسواس
.
دا النار عذاب ربنا ليه تكوي بيها الناس
.
دا الجار من يجيرك ويسمع صرختك
.
فلا يوم تشيل منه وتقول دا جار وخلاص
..........
أكثر الناس طيبين فيهم قليل خاين
.
ومهما يداري الورد الشوك أهو باين
.
واللي يماشي الخاين هايبقا في يوم زيه
.
ولا عمر الناس تحبه لو حتى في جناين
..........
ولو ساكن في بيت عالي وكان لك فيه نصيب
.
ماتاخدك العزه لحسن زماننا عجيب
.
يجيلك أخوك بيتك يزورك ياحبيبه
.
يسأل عليك بيتك وترده زي غريب
..........
ولا تلعن في يوم والديك مهما يكون ألمك
.
لتبقا فرصة فاسد يغريك لسوء عملك
.
وتطغى ليه على الناس والدنيا والأيام
.
وتقسى ليه على القلب هو الكريم ظلمك
..........
وإن جالك النسيان فكر همومك إيه
.
وحاذر من اللي تاخده وإن كان حرام إرميه
.
وسرك جوا نفسك ميعرفوش غيرك
.
لو عرفه يوم غيرك يمكن يعايرك بيه
.................................................
ليست هناك تعليقات:
إرسال تعليق