* نَصَحتّك *
**********
مش ناوي تيجيبها لبر
نصحتك وأنت ... حُر
إبعد عن رغي لسانهم
تسلم ياحبيبي م القَر
متكونش فار مع قطة
وبلاها ....... كَر وفَر
الدنيا مش .. مستاهلة
حوارات كتير .. بتصُر
مخلوقة من ضلعك إنت
إحفظها وخليك .. حُر
وعيشوها مودة ورحمة
ماهي أم وأخت .. تسُر
وزوجةوبنوتة .. جميلة
بتعينك وقت .... الضُر
خليك وياها ... إنسان
ومتقولش كُنا .. وكان
راحت أيام سي السيد
وهيرو ... وسوبر مان
أما إنتي ياست .. الكل
كونيله الدفا ... والضل
وقوليلة طيب . حاضر
هتكون أيامكم .... فُل
أجيال بأديكي ..تبينها
وراعي ربنا ..... فيها
يكبروا صالحين لبلدهم
دي أمانة ياريت تصونيها
****
بقلمي
د .حمدي توفيق
ليست هناك تعليقات:
إرسال تعليق