مجلة وجدانيات الأدبية (( يا رب رحمتك )) بقلم كلمات الشاعر أحمد شاهين / مصر ـ أسيوط

يَا رَبّ رَحْمِتَك

ـــــــــــــــــــــــــــــــــــــــــــــ

أَنَا رَاضِي بِاللي مِنَّك

مَسْنُود دَيْماً عَلِيك

خَلِّيْنِي عِنْد ظَنَّك

وِحُسْن الظَّنّ فِيك

قَوِّينِي عَ الْحَيَاه

دَه اَنَا أَضْعَف مِ الضَّعِيف

وِانْتَ الطُّوق وِالنَّجَاه

وِانْتَ سَنَد الضَّعِيف

إِحْمِينِي مِن شُرُورِي

أَنَا رَاضِي بِقِسْمِتَك

وِالطُف دَيْماً بِحَالِي

يَا رَبّ رَحْمِتَك

زَكِّي يَا رَبّ نَفْسِي

وِاحْمِينِي مِ الشِّيطَان

وِاصْلِح يَا رَبّ بَالِي

إِهْدِينِي لِسِكِّتَك

مَهْمَا الشِّيطَان حَاوِطْنِي

وِغَوَانِي عَن الطَّرِيق

بَلاَقِيك دَيْماً سَانِدْنِي

بَتْحَامَى فِيك وِبِيك

أَنَا رَاضِي بِاللي مِنَّك

مَسْنُود دَيْماً عَلِيك

خَلِّيْنِي عِنْد ظَنَّك

وِحُسْن الظَّنّ فِيك

ـــــــــــــــــــــــــــــــــــــــــــــ

كلمات الشاعر أحمد شاهين

------ مصر --- أسيوط ------