"عبير"
يا عبير النسيم لما يهفّي في ليالي الهوا
يا حكاية غرام ابتدت بنظره وعيون سوا
إنتي اسـمك ورد وإحساسك دفا
ووجودك معايا فـي الدنيا كفايه رضا
يا عبير يا نسمه بتعدي وتسيب أثر
ضحكتك فرحة. ونظرتك سحر
فيكي حاجه بتطمن قلبي لو خاف
وفيكي عمر بيبتدي من غير ما نخاف
أنا كنت تايه. تايه فـي الزحام
لحد ما صوتك ناداني وقاللي سلام
قلبي وقتها نط، قاللي دي الحياة
ومن ساعتها وأنا عايش فـي رواية غرام
يا عبير. يا وردة بتطرح فـ عز الشتا
يا نجمة بتنور ليّ فـي الضلمة
كل يوم بكتب فيكي شعر وموال
وبحكي عنك فـي الدفاتر والأقوال
يا حلمي اللي جه م الحقيقة
يا أجمل صدفة وأصدق دقيقة
مهما العمر يسرق م العمر أيام
هفضل أحبك بنفس الإحساس دا تمام
إنتي البساطه فـي كلمه والطيبه فـي السلام
وإنتي الضيّ فـي قلبي في عزّ الظلام
أنا لو هكتب فيكي عمر من الكلام
مش هيكفّي وصفك. يا أجمل الأحلام
يا عبير. يا معنى الحنيه في العيون
يا فرحة قلب دايب من سنين
خليكي جنبي متبعديش
ده إنتي الحب اللي بيعيش كلمات وتأليف شاعر البسطاء
أبومحمد سعيد العربي
أبومحمد سعيد العربي
ليست هناك تعليقات:
إرسال تعليق