شرانق
بالغصب لازم أمشي
وأديني مع الماشيين
بحلم لسة ما نامشي
سهران وليله سنين
دا حلم ما بيفهمشي
دا الليل مالوه شرايين
بالغصب لازم اقوم
الصبح ما فيه أحلام
ما ينفع فيه النوم
ماشي وراه لقدام
ماشي ورا الأقدام
أمر ومافوهش كلام
بالغصب لازم أعيش
بالغصب لازم أموت
بالغصب آكل عيش
يرقة وورقة توت
تغزل بإيدها شرانق
وأحلامها ليها تخانق
أتاريها غزلت مشانق
وأحلام تنام بتابوت
يحيى حسين القاهرة
27 يناير 2025
ليست هناك تعليقات:
إرسال تعليق