حبيبتي
كتر ما بحبها صرت محتار
وصارت براسي تلعب الأفكار
ساعات فيهـا بعترف مفتون
وهيي لقـلبي قبلـة الأنظار
مـرة جنوني بصيـر فنون
بدي ياخدها من الدني إعصار
ومرة بريدها جسم مدفون
بعيدة بقلبي عن الأبصار
ومرات بريدها ما تكون
ومن كتر ما صرت عليهـا بغار
اتركني يا ربي عليهـا مون
ونلـعب سوا بملعب الكُفّار
ما بدنا الأصول نصون
تركنا نترجم حلم مجنون
ومن بعدها تركنا نحترق بالنار
زهير زين الدين
27/1/2026
.jpg)
ليست هناك تعليقات:
إرسال تعليق