يا حلوه يا بهيه
بقلمي محمد عنانى
سايق عليكي النبي
يا سِتي يا بهيه
كفايه غُلب وشَقا
وإديني حِنيه
ليا إفردي وشك
وإضحكي شويه
داعُمري فيكي إنقضا
ميت ماليش دِيه
وسنينه مُر وضنا
من طول مناحيه
ليلي ونهار بهموم
متكتفه إيديه
باحلم بلحظة هنا
أشوفها بعنيه
وأدوقه طعم الفرح
اللي مابان ليه
وعندي لِسه الأمل
وف قلبي أمنيه
إني أشوف الفرج
وأعيش عيشه هنيه
قبل ما اموت واندفن
وتبقا دي وصيه
من اللي صان الوداد
وكان لكي ضحيه
بقلمي محمد عنانى
ليست هناك تعليقات:
إرسال تعليق