أوعى يانوبى
أوعى يانوبى تنسى خصالك
ياللى الطيبة سر جمالك
دايما بشوش بين الوشوش
والعشرة الحلوة بتحلالك
~~~~~~~~~~~~~~~~
أنت يانوبى ليك أمجاد
ورثت كرامة من الأجداد
وهامتك عالية عالية لفوق
والأخلاق باينه في أفعالك
أوعى يانوبى تنسى خصالك
~~~~~~~~~~~~~~~~~~
صورتك راقية ف عين الناس
وسيرتك حلوة زى الماس
أصل المبدأ فيك أساس
أبدا مال مايغير حالك
أوعى يانوبى تنسى خصالك
~~~~~~~~~~~~~~~
من صغرك عاشق الأوطان
أصل انت جواك إنسان
وساكنك النيل والمكان
والنوبة نجمك وهلالك
أوعى يانوبى تنسى خصالك
~~~~~~~~~~~~~~~
طول عمرك حلو السجايا
صريح شفاف ونبيل الغاية
ليك فى الفخر ألف حكاية
ونقشته قصيدة ف موالك
أوعى يانوبى تنسى خصالك
~~~~~~~~~~~~~~~~
الشاعر والروائي
والكاتب الصحفى
أيمن عزالدين سكورى
ليست هناك تعليقات:
إرسال تعليق