تسالي
يافندي
للبلياتشو!!!
تفتش في نفسك تلاقي كنوز
عرايس حلاوة وفسدق ولوز
تبعد شوية في دُنيا النفوذ
تدخل في دايرة وعجلة تروس!!.
غريبة الحياة عجيبة الدروس
يعود العُصاة ب وجع الضروس
ندعي ونحلف نوعد نخلف
وشمس الحقيقة تعري النفوس!!.
معاني كتير ساكنة الوشوش
كلامهم جميل حرنكش وموز
مشاعر مفيش طلاسم رموز
ملامح أفيش صراع الوحوش!!!!.
تنوع بشر تنوع نفوس
و وجهة نظر بدون الرتوش
غاب البصر في عد الفلوس
سُكارى العطش بكاس عرق سوس!؟
كلمة حق قالهالي جدي
لازم أكون لغيري فانوس
عيشها مناضل مقاتل كَجُندي
إوعى يضيع العمر فاشوش
تسالي يا باشا تسالي يافندي
معانا البُغاشا بطعم الاستفندي
تسالي ياهانم تسالي يا ست
مشبك نواعم ملبس لبنت !!
أشعار
للبلياتشو
وليد وليد حسانين
28/9/2021
مصر. / القاهرة
/وليد عوض إبراهيم حسانين/
ليست هناك تعليقات:
إرسال تعليق