بقلم النضام سعيد ألجدي الادريسي
يا وني بيك وسهلا
يا كل مغربي و مغربية
في الخيمة الصحراوية
راها كلها روح و قلب
راها معاني و فضايل سامية
في الخيمة الصحراوية
كاينة نشامة حاتمية
كاينين اركاز أريحية
أشخاص يحبو الضيوف الالمعية
يحبو ينحرو ليهم
يقدمو ليهم الشواء و بروح حبورية
يقدمو ليهم الشاي الصحراوي
برففته ازكى العطور الفواحة الاثيرية
يقرضو ليك قيفان من نضمهم
يعبرو فيها عن مدى حبهم للضيوف و بكل عنجهية
في الخيمة الصحراوية المعدلة من شعر الماعز
فيها دفء غريب و فرحة فطرية
فيها ناس و الله ببساطتهم العفوية
كتجذب كل الناس من كل حدب و صوب
حيث راها عامرة بالكرم و الجودة المغربية
في الخيمة الصحراوية
تلقى أدوات تقليدية
تلقى تسوفرة و العكة
أيه، و الشنة و الشكوة
تشوف الحنبل منسوج بالطريقة الصحراوية
تلقى اليويش و لشفة
يعدلو بها كل صنعة تقليدية
تلقى البشاشة منبعثة من عمق القلوب
راها ما هي مصطنعة يا أحبتي الغالية
في الخيمة الصحراوية
كاينة المرأة القحة الصحراوية
تخدمك بشفار عينيها
ترضيك بالحسنى الجوهرية
و مللي كاين الراجل الصحراوي
صاحب أيادي الجود و الهمة العربية
كاين الشاعر و الشويعر
يخرج من صدره غير العبارات المحبورة القلبية
في الخيمة الصحراوية
كاين التاريخ و الأصالة القحة العلوية العربية الصحراوية
عاش المغرب من أقصاه إلى ادناه
تحت الشعار المغربي الخالد
الله الوطن الملك، يا اخوتي المغربية.
Said Alajdi El Idrissi
Maroc
