وكان نفسى فى يوم
تقدر تصدقنى
لكن طبعك وسوء ظنك
دعاك تبعد وتجرحنى
مع انى فنيت عمرى
فى سبيل راحتك
وكنت بخاف عليك منك
وصارحتك
واخدت الصبر لى صاحب
وسامحتك
وقلت فى يوم مسيره يحس
ويجيلى
ويتأسف لسوء ظنه
ويتعان القسى منه
ويدعيلى
ويتأكد ماكنش حبى
ليه نزوة
وايه وجعه ويشكيلى
وانا هأفضل على عهدى
معاه دائما
أزود عنه واكون سنده
وكل الحب هأديله
ياريت نفهم بأن الحب
مش سلعة
ولا بيعة ولا شروة
لكن الحب شئ سامى
برغم الصعب نوصل له
وبيه نقدر ندوس ع الهم
ونسعد بعض من ضله
مع تحياتى
محمد فهمى مراد
القاهرة ف2023/12/13
ليست هناك تعليقات:
إرسال تعليق