* أنا لسه بخير *
***************
ياللي إتكلمتوا ..... وكتبتوا
عن فشلي ... كتير
حَابب .... أبلغكم بنبأ عاجل
أنا لسه ... بخير
أنا لسه واقف على ... رجلي
وبتحدا ...الغير
ومش شاغل نفسي بأفعالكم
ولا حتى عايز تفسير
خلوا أحقادكم ...... جواكم
تمنعكوا .... الخير
وقلوبكم حاولوا تصفوها
ترتاحوا .. كتير
ولا تشغلنيش ..... حواديتكم
ملهاش خالص أي تأثير
أنا راسم لحلمي ... طريق
وسابق .... بكتير
وأملي المنشود .. هاوصله
بعد .... التفكير
وكتير من جهدي اللي عملته
عشان ...التغير
وهاحقق في حياتي .. مرادي
من غير .. تعكير
وهاأشوف الحسرة ف عيونكم
وهتكونلي أجمل تقدير
وهاأعيد من تاني .. كلماتي
أنا لسه .... بخير
والقادم أفضل .. م الماضي
ومستقبل ... غير
أنا لسه ... بخير
.........
بقلمي
م . حمدي توفيق
ليست هناك تعليقات:
إرسال تعليق